Невыязных беларусаў не прапусцяць праз расійскую мяжу

Паводле кіраўніка УФССП па Маскве Аляксандра Сцебакова, часам грамадзяне Расіі, якім абмежаваны выезд за мяжу, перасякаюць мяжу з Беларуссю па расійскім пашпарце, купляюць там білет за мяжу і, паколькі беларускія памежнікі не маюць указанняў затрымліваць расійскіх даўжнікоў, свабодна ляцяць.

"Як толькі алгарытм узаемадзеяння з беларускімі калегамі будзе прапісаны, я думаю, што праблем у гэтым плане не ўзнікне: у нас вельмі падобныя памежныя структуры, у іх ёсць таксама служба прымусовага выканання", — сказаў Сцебакоў.

Ён адзначыў, што працаваць сістэма пачне "ў бліжэйшы час". Канкрэтная дата не ўдакладняецца.

"У беларускіх памежнікаў будзе такі ж спіс даўжнікоў, як у нашых, і яны іх прапускаць не будуць", — растлумачыў Сцебакоў, паведамляе “Наша ніва”.