Анжаліка Борыс атрымала папярэджанне за дзейнасць ад імя незарэгістраванай арганізацыі

“Крымінальная справа не будзе ўзбуджана, таму што для гэтага няма падставаў. Я была папярэджана за маю дзейнасць ад імя незарэгістраванай арганізацыі Саюза палякаў, - паведаміла Анжаліка Борыс. - Кожны месяц будзе са мной праводзіцца прафілактычная размова”.

Пры гэтым яна думае, што “заўсёды ёсць верагоднасць адкрыцця справы, калі ты займаешся грамадскай дзейнасцю. Аднак, паколькі справа палітычная, то яна сёння можа закончыцца, а заўтра можа стаць справай крымінальнай”.

Час першай прафілактычнай размовы яшчэ не прызначаны, паведамляе “Радыё Рацыя”.