Польскія і літоўскія гандлёвыя сеткі плануюць працаваць ў Беларусі

Па словах дырэктара брокерскага падраздзялення кампаніі Colliers International у Беларусі Андрэя Алёшкіна, такія магчымасці разглядае буйны рытэйлер з краін Балтыі кампанія Apranga, якая валодае 70% вядомага гандлёва-забаўляльнага цэнтра "Акраполіс" у Вільнюсе. "Яны прыглядаюцца, разумеючы, што губляюць патокі", — сказаў эксперт. 

Алёшкін адзначыў, што і буйныя польскія кампаніі LPP group і Mohito "даўно зразумелі, што павінны тут прысутнічаць". "Яны выбралі шэраг праектаў і разглядаюць варыянт або выдачы франшызы, або працы самастойна", — сказаў эксперт.

На яго думку, "любы са спажыўцоў палічыць за лепшае хадзіць у магазіны ў Мінску, чым ехаць у Польшчу або Літву, траціць сродкі на візу і дарогу, калі тут будуць гэтыя брэнды". 

"Цяпер кожны год адбываецца насычэнне беларускага рынку вядомымі брэндамі. Мы вялі перамовы і з такім вядомым брэндам, як Zara. Калі б не сітуацыя ў Расіі, яны б у верасні гэтага года адкрыліся ў адным з нашых гандлёвых цэнтраў", — сказаў Алёшкін, паведамляе “Наша ніва”.