У Мінску пачынаецца Тыдзень беларускай кухні

З 16 па 22 лютага рэстараны прапануюць сваім наведвальнікам пакаштаваць селядцовыя грэнкі коштам 35 тысяч беларускіх рублёў, боршч па-віленскі (25 тысяч рублёў), рыбу пад смятанным соусам з прыпушчанай гароднінай (65 тысяч рублёў), свіны кумпяк ў слівовым соўсе з бульбяным пюрэ (85 тысяч рублёў) і кісель з журавін (15 тысяч рублёў), паведамляе агенцтва "Мінск-Навіны".

У акцыі бяруць удзел: рэстараны "Васiлькi", "Мінск", "Праванс", "Гасціны двор", "Турыст",  "Губерня", кафэ "Імбір", Greenki, "Сыты тата", "Стары двор" ды іншыя.

Тыдзень беларускай кухні праводзіцца ў Мінску па ініцыятыве галоўнага ўпраўлення спажывецкага рынку Мінгарвыканкама і пры падтрымцы грамадскага аб'яднання беларускіх кухараў "Суполка кухараў".

Згодна з правіламі акцыі, ўсе яе ўдзельнікі павінны прытрымлівацца адзіных коштаў і рэцэптуры. Папярэднія Тыдні беларускай кухні прайшлі ў сталіцы ў верасні і снежні 2013 года, а таксама ў лютым-сакавіку, жніўні і лістападзе 2014-га.