Цягнік Мінск—Варшава пакінуць да мая, цягнікі да Вільні зменшаць

Летась чыгуначны склад хадзіў з Мінска да Варшавы напаўпусты. А да канца года з-за праблем на валютным рынку яго напаўняльнасць і зусім знізілася да 35%. Гэты цягнік непапулярны ў пасажыраў галоўным чынам з-за занадта дарагавіўны квіткоў — амаль 1,3 мільёна ў адзін бок. Гэта амаль як цана за самалёт прытым што цягнік некамфортны стратай некалькіх начных гадзін на замене колаў у Берасці, паведамляе “Наша ніва”.

Пытанне пра закрыццё прамога чыгуначнага злучэння паміж дзвюма сталіцамі ў сярэдзіне студзеня заявіў польскі бок. Аднак беларуская чыгунка папрасіла захаваць цягнік. 

Беларуская чыгунка не збіраецца адмяняць і цягнікі ва Украіну, хоць пасажырапаток у гэтым кірунку летась упаў амаль у два разы. Украінскі бок хацеў бы зменшыць колкьасць цягнікоў, беларусы ж прапануюць зніжаць цэны на білеты, але маршруты захаваць.

На кірунку Мінск — Вільня частата руху не зменіцца, але колькасць месцаў у некаторых цягніках можа скараціцца. Гэта тычыцца цягнікоў №801 і №802, якія знаходзяцца ў дарозе больш за чатыры гадзіны. Пасажыраў там хапае, па сутнасці, толькі для таго, каб запоўніць два вагоны. Паскорыць рух гэтага складу пакуль не ўдаецца.