Ваенны канфлікт вымусіў пераехаць у Беларусь 50 тысяч украінцаў

По словах начальніка дэпартамэнту па грамадзянстве і міграцыі МУС Беларусі Аляксея Бягуна, усе тры цэнтры часовага пражываньня, якія працуюць у краіне, цяпер запоўненыя, у іх знаходзяцца пераважна ўкраінскія грамадзяне.

Пачынаючы з красавіка мінулага года, Беларусь сутыкнулася з сур’ёзнай праблемай прыезду ўцекачоў з Украіны — пераважна людзей, якія тлумачаць свой крок жаданнем выехаць з раёну баявых дзеянняў.

Па словах Бягуна, больш за 10 тысяч украінцаў скарысталіся прывілеямі, вызначанымі ўказам Аляксандра Лукашэнкі № 420 для вымушаных перасяленцаў з Украіны. Частка атрымала дазвол на сталае месца жыхарства, частка — дазвол на працу, 600 чалавек з тых рэгіёнаў, дзе цяпер ідзе вайна, афіцыйна маюць патрэбу ў дадатковай дапамозе, паведамляе “Свабода”.

Сярод тых, хто пераехаў з Украіны, дастаткова людзей, якія парушаюць правіла знаходжання 90 дзён у Беларусі без рэгістрацыі. Але з улікам спецыфікі сітуацыі ва Ўкраіне, з улікам таго, што гэтая дзяржава — бліжэйшая суседка Беларусі, беларускі МУС не лічыць іх нелегальнымі мігрантамі, разглядаючы толькі як парушальнікаў. Як правіла, іх не дэпартуюць і не выдвараюць з Беларусі.