Арганізатара акцыі пратэсту грузаперавозчыкаў Сяргея Шоду арыштавалі на 15 сутак

4 лютага да Дома ўраду мусілі выйсці тысячы грузаперавозчыкаў, якія пацярпелі за парушэнне правілаў перавозак грузу ў рамках сістэмы BelToll. Аднак арганізатара акцыі Сяргея Шоду затрымалі напярэдадні ў Доме ўраду і кінулі за краты.

Грузаперавозчыкі «патрапілі» на сур'ёзныя штрафы парадку 50-80 тысяч еўра з-за недасканаласці новай сістэмы платных аўтадарог BelToll. Для многіх з іх гэта азначае банкруцтва, а чыноўнікі разводзяць рукамі і спасылаюцца на чалавечы фактар, з-за якога парушальнікаў першапачаткова не апавясцілі аб тым, што штрафы налічваюцца з велізарнай хуткасцю і практычна штодня.

Сёння з раніцы Сярей Шода пайшоў у Дом ураду на сустрэчу з віцэ-прэм'ера, пасля чаго паздня ніякіх звестак ад яго не было. Пазней стала вядома, што на Сяргея Шоду склалі пратакол аб адміністратыўным правапарушэнні і пакаралі арыштам на 15 сутак, паведамляе "Вясна".