У Вільні абмеркавалі ініцыятыву аднаўлення Беларускага музея

На сустрэчы абмяркоўвалася ініцыятыва аднаўлення Беларускага музея, які дзейнічаў у Вільнюсе да 1945 года.

Беларускі музей у Вільні пад кіраўніцтвам літаратурнага гісторыка Антона Луцкевіча працаваў з 1921 года і быў значнай часткай культуры для беларускага народа. Падчас знішчэння савецкай акупацыяй усіх незалежных навуковых і культурных ініцыятываў, быў зачынены і ён. Зараз ў музея няма экспазіцыйных памяшканняў і дзейнічаць ён не можа.

“Беларускі музей у Вільнюсе можа стаць культурнай і адукацыйнай прасторай, дзе беларусы змогуць мець дасяг да вывучэння незалежнага, сучаснага, еўрапейскага падыхода да гісторыі Беларусі і Літвы”, - адзначыў А.Зуокас.

Алесь Бяляцкі адзначыў, што Вільнюс заўжды актыўна падтрымлівае культурныя ініцыятывы Беларусі, і падкрэсліў важнасць аднаўлення Беларускага музея як адукацыйнага цэнтра ў Вільнюсе, дзе пражывае значная колькасць беларусаў і куды тысячы беларускіх гасцей прыязджаюць на адпачынак.

Акрамя таго, мэр і праваабаронца абмяркавалі існуючую сітуацыю ў Беларусі, шляхі супрацоўніцтва з неўрадавымі арганізацыямі і арганізацыямі, які адсочваюць парушэнні правоў чалавека, паведамляе праваабарончы цэнтр «Вясна».