Сетка аўтазаправак “А-100” перайшла на беларускую мову

- Наша мэта – пашырэнне моўнага асяроддзя, бо “А-100” – прыватная сетка аўтазаправачных станцый з беларускім капiталам. Мы паважаем нашу Радзiму, шануем мову, ганарымся беларускiм”, - цытуе генеральнага дырэктара ГК “А-100 АЗС” Ірыну Валадзько сайт кампаніі “Мова Нанова”.

Супрацоўнікі кампаніі на працягу 4 месяцаў аднаўлялі мову па праграме і пры дапамозе арганізатараў курсаў “Мова Нанова” , а таксама на ўнутраных трэнінгах. Цяпер вядзецца праца па стварэнні моўнага асяроддзя на паліўных станцыях. Пераход на беларускую мову будзе ажыццяўляцца паступова. Па-першае, афіцыйныя вэб-рэсурсы будуць (і ўжо часткова ёсць сайт кампании, афіцыйная суполка facebook) беларускамоўнымі. Па-другое, аператарам рэкамендавана абслугоўваць кліентаў на беларускай мове. Па-трэцяе, будуць заменены ўсе рэкламныя матэрыялы ў гандлёвых залах, з'явяцца цэтлікі на таварах на беларускай мове – некалькі тысяч найменняў бясплатна пераклалі эксперты службы “Хуткая моўная дапамога” курсаў “Мова Нанова” . Такiм чынам, праз некоторы час уся аздоба паліўных станцый стане беларускамоўнай.

На працягу 2015 года на паліўных станцыях магчыма будзе пачуць абедзве дзяржаўныя мовы: беларускую і рускую.