Беларускіх грамадзян сярод пасажыраў зніклага самалёта Air Asia не было

Самалёт авіякампаніі Air Asia, які ажыццяўляў рэйс пад нумарам QZ8501 з інданезійскай Сурабаі ў Сінгапур, страціў сувязь з наземнымі службамі ў Джакарце ў 07:24 раніцы па мясцовым часе (23:24 па Грынвічу), паведамляе БелаПАН. На борце лайнера Airbus A320-200 знаходзіліся 162 чалавекі.

Супрацоўнікі ратавальных службаў Інданезіі, як паведамляюць мясцовыя СМІ, лічаць, што лайнер малайзійскай авіякампаніі Air Asia пацярпеў крушэнне. Паводле звестак дзяржаўнага інфармагенцтва Antara, за 145 кіламетраў ад вострава Белітунг знойдзеныя, як мяркуецца, абломкі фюзеляжа Airbus 320.

Інданезійскія ўлады пакуль не пацвярджаюць інфармацыю аб тым, што ў акіяне знойдзеныя абломкі фюзеляжа самалёта.