Апазіцыя рыхтуе мітынг супраць фінансавага крызісу і за адстаўку Лукашэнкі

Мітынг плануецца правесці 11 студзеня 2015 года.

Таксама па прапанове Аб'яднанай грамадзянскай партыі будуць пададзеныя заяўкі на правядзенне пікетаў у рэгіёнах.

«Ужо вядома, што актывісты Аб'яднанай грамадзянскай партыі і партыі левых «Справядлівы свет» мяркуюць падаць больш за 200 заявак, – паведаміў сайту ucpb.org лідэр АГП Анатоль Лябедзька. – Іншыя палітычныя арганізацыі таксама разглядаюць мажлівасць свайго актыўнага ўдзелу ў падачы заявак. Тэма тая ж – адстаўка ўраду і Лукашэнкі. Гэта пратэст супраць бяздарнай фінансавай палітыкі. Мы дадаем яшчэ трэці пункт – патрабаванне прыняцця і рэалізацыі Антыкарупцыйнай платформы».