Сёння спаўняецца чатыры гады з дня крывавага разгону Плошчы-2010 у Мінску

Па дадзеных праваабаронцаў, сотні чалавек былі збітыя, у тым ліку кандыдаты ў прэзідэнты, а некаторыя шукаюць праўды ў міжнародных інстанцыях і дагэтуль, паведамляе "Радыё Рацыя".

Кажа праваабаронца Раман Кісляк:

- Справа Уладзіміра Някляева па падзеях 2010-2011 гадоў, калі яго збілі і фактычна выкралі. Не было інфармацыі, дзе ён знаходзіцца. Шэраг парушэнняў тычыцца права на справядлівае судовае разбіральніцтва аб гвалтоўным знікненні, аб адвольным затрыманні, збіцці, катаваннях і жорсткім абыходжанні.

Нагадаем, што па справе "аб масавых беспарадках" дагэтуль знаходзіцца за кратамі кандыдат у прэзідэнты Мікалай Статкевіч. На думку ж экспертаў, апазіцыя пасля 2010 раз’ядналася ў разы больш і шанцы на перамогу ў будучай кампаніі блёклыя.