На волю выйшаў палітвязень Эдуард Лобаў

Як паведаміў Эдуард Лобаў адразу пасля выхаду з турмы, яшчэ у 2011 годзе яму тройчы прапаноўвалі пісаць прашэнне аб памілаванні, але ён адмовіўся. З таго часу больш і згадвалі пра гэта.

У сувязі з прызначэннем прэвентыўнага нагляду былы палітвязень пакуль не ведае, чым будзе займацца, раней планаваў з’ехаць за мяжу вучыцца, але падкрэсліў, што ў турме ягоныя погляды не змяніліся, і ён будзе працягваць грамадска-палітычную дзейнасць, паведамляе Радыё Свабода.

Актывіст «Маладога фронту» Эдуард Лобаў быў арыштаваны 18 снежня 2010 года за дзень да прэзідэнцкіх выбараў разам з лідэрам «Маладога фронту» Змітром Дашкевічам і асуджаны на 4 гады зняволення за хуліганства — нібыта яны ўчынілі бойку з мінакамі. Пацярпелага па справе публіка ў судзе так і не пабачыла — паказанні ён даваў з суседняга пакоя.

Эдуард Лобаў мяркуе, што яго, як і Змітра Дашкевіча, праз правакацыю спецслужбы ізалявалі напярэдадні мітынгу пратэсту 19 снежня 2010 года. Лобаў адмаўляўся пісаць прашэнне аб памілаванні.