Украіна забараніла "Беларусь-24"

"Калі прымаюцца намі рашэнні аб адключэнні якога-небудзь каналу — гэта азначае прызнанне канала такім, які не адпавядае патрабаванням Еўрапейскай канвенцыі аб транспамежным вяшчанні. На падставе гэтага нашага рашэння кабэльныя апэратары адключаюць гэтыя каналы”, - цытуе Радыё “Свабода” старшыню Нацыянальнай рады па пытаньнях тэлебачаньня і радыёвяшчання Ўкраіны Юрый Арцёменка.

Усяго адключаныя 17 каналаў, такія як "Расія-24", "Лайфньюз" і іншыя. “А потым мы ўбачылі, што расійская прапагандысцкая машына так пабудавана, што яна пранікае і ў дзіцячыя сэрыялы, і ў дзіцячыя каналы, і тэлеканал "Гісторыя", калі ён паказвае карцінку, быццам гісторыя павінна быць адна, а нам паказваюць карцінку з Майдану і паралельна карцінку з фашыстамі, і яны іх параўноўваюць. Таму мы прызналі іх такімі, якія не адпавядаюць патрабаванням, у тым ліку расійскі канал "Гісторыя", "Беларусь-24", — сказаў Арцёменка.

Па яго словах, сітуацыя з тэлеканалам "Беларусь-24" з’яўляецца дастаткова цікавым прыкладам, бо ў цэлым ён не з’яўляецца адкрыта прарасійскім, аднак у яго эфіры транслююцца асобныя перадачы з адкрыта прапагандысцкім зместам.

"Беларусь-24" — гэта ўпершыню, калі сярод расійскіх быў забаронены беларускі канал. Канал — праўкраінскі, ён дае аб’ектыўную інфармацыю, але ў адной перадачы, якая ішла на досвітку... Гэта быў нейкі жах, гэта параўнанне з фашыстамі ўсіх украінцаў, жыдамасонамі. Не памятаю там дэталяў, але мы ўлічылі гэта, забаранілі, рэакцыя беларускага МЗС і беларускай кампаніі: "прабачце, вы за адным сюжэтам не разглядзелі агульную канцэпцыю канала". Мы напісалі ліст: «дайце гарантыю, што не будзеце хлусіць, і мы зноў вернем канал", - распавёў Арцёменка.