Падчас шэсця ў Мінску скандуюць "Жыве Беларусь!" і "Слава Украіне! Героям слава!" (відэа)

Шмат бел-чырвона-белых сцягоў, некалькі ўкраінскіх. Тройчы пракрычалі «Жыве Беларусь» і рушылі калонай у бок Курапатаў. Акрамя нацыянальных сцягоў — сцягі КХП-БНФ, «Маладой Беларусі», БХД, паведамляе Радыё Свабода.

У калоне намеснік старшыні КХП БНФ Юрась Беленькі, сярод іншых палітыкаў у шэсці бяруць удзел старшыня Партыі БНФ Аляксей Янукевіч, сустаршыня БХД Віталь Рымашэўскі, намеснік старшыні руху «За свабоду» Юрась Губарэвіч, старшыня «Маладой Беларусі» Артур Фінькевіч, актывіст «Маладога фронта» Мікола Дземідзенка з сям’ёй. 

Удзельнікі шэсця скандуюць «Слава Украіне! Героям слава!», «Слава нацыі – смерць ворагам!». У калоне два ўкраінскія сцягі. У некаторых удзельнікаў шэсця побач з бел-чырвона-белымі сцяжкамі – украінскія сцяжкі, знічкі і кветкі, крыжы.