Ксёндз касцёла ў Друі знайшоў у смецці фрэскі XVII стагоддзя (фота)

Пра гэта пробашч касцёла Святой Троіцы ў Друі паведаміў на сваёй старонцы ў Facebook:

“Тры плітчыны, якія былі знойдзены ў будаўнічым смецці кляштару ў Друі. Плітка выканана ў тэхніцы фрэскі, адносіцца да сярэдзіны ХVII стагоддзя. Тэхніка фрэскі - жывапіс па сырой тынкоўцы, адна з тэхнік насценных роспісаў, супрацьлегласць а секко (роспісу па сухому)», - піша кс. Станкевіч.

Паводле святара, ацэнку ўзросту і вызначэнне тэхнікі, у якой выкананая знаходка, зрабіла «мастачка, спецыяліст па фрэсках з акадэмічнай адукацыяй у гэтай галіне».