Зацверджаны расклад цягнікоў з Мінску у Нацыянальны аэрапорт

З 8 лістапада па гэтым маршруце ў тэставым рэжыме будуць штодня курсіраваць 5 пар сучасных трохвагонных дызель-цягнікоў, павеламляе “Наша ніва”. Першы цягнік будзе адпраўляцца з Мінска ў аэрапорт у 5.35, апошні — у 20.25.

Расклад цягнікоў: з Мінска-Пасажырскага — 05:35, 08:45, 12:20, 16:30, 20:25; з Нацыянальнага аэрапорта Мінск — 07:30, 11:05, 14:35, 18:30, 22:25. Падчас руху прадугледжаны адзін прыпынак у Смалявічах.

Цана квітка ад Смалявічаў да прыпыначнага пункта "Нацыянальны аэрапорт Мінск" складзе 14 600 рублёў (поўны квіток з Мінска — 25 тыс.).

Праезд непасрэдна да аэрапорта будзе ўключаць у сябе перавозку на аўтобусе ад прыпыначнага пункта Нацыянальны аэрапорт Мінск. Агульны час у шляху з улікам перасадкі складзе каля 70 хвілінаў, з іх 55—56 хвілін зойме пераезд на цягніку.