У Мiнску прайшоў IV форум польскай адукацыі

Каля ста настаўнікаў польскай мовы і літаратуры і прадстаўнікоў трох  польскіх дыпламатычных пляцовак ды  грамадскіх арганізацый, паведамляе Радыё Рацыя,  абмеркавалі праблемы і перспектывы развіцця польскай адукацыі ў краіне.

 Кажа кіраўнік консульскага аддзела Амбасады Польшчы ў  Беларусі Марэк Пэндзіх.

“Галоўная мэта форуму – ацэнка сітуацыі навучання польскай мове і родных прадметаў у Беларусі як у дзяржайнай сістэме адукацыі, так і грамадскіх адукацыйных установах, -- адзначыў кіраўнік консульскага аддзела Амбасады Польшчы ў  Беларусі Марэк Пэндзіх. -- Гэтыя дзве сістэмы дзейнічаюць паралельна і незалежна”.

На форум польскай адукацыі не здолелі прыехаць дзясяткі настаўнікаў  польскіх школ з Гародні і Ваўкавыска. Адміністрацыя навучальных установаў, паводле загаду мясцовых уладаў, пад страхам звальнення забараніла сваім падначаленым удзельнічаць у мерапрыемствах. У выніку ўдзел у форуме прынялі ў асноўным педагогі, якія выкладаюць польскую мову ў грамадскіх школах.