«Малады Фронт» распачаў акцыю «Стоп-імперыі»

Не зважаючы на палітычную падаплёку ініцыятары кампаніі спасылаюцца проста на дзейсныя законы.

- Па правілах дарожнага руху завешваць лабавое шкло забаронена, бо гэта перашкаджае агляду праезджай часткі для кіроўцы, - нагадаў у каментары Радыё Рацыя Дашкевіч. - Гэткім чынам у нас ёсць канкрэтныя юрыдычныя рычагі і механізмы для таго, каб ачысціць вуліцы нашых гарадоў ад гэтай шавіністычнай агітацыі Расейскай Федэрацыі.

З прычыны невялікіх магчымасцяў «Малады Фронт» хоча засяродзіць сваю кампанію «Стоп-імперыі» найперш на аўтамабілях і грамадскім транспарце. Маладафронтаўцы заклікаюць усіх неабыякавых людзей фатаграфаваць і адасылаць нумары аўтамабіляў з недазволенай сімболікай на адмысловую старонку у Фэйсбуку, альбо проста паведамляць аб правапарушэнні у ДАІ.