Заробкі беларускіх медыкаў падвысяцца з 1 верасня, але ці дагоняць яны кошты ў крамах?

Адпаведную пастанову 23 жніўня прыняў урад, паведамляе Еўрарадыё.

Тарыфныя стаўкі ўчастковым лекарам-тэрапеўтам і лекарам-педыятрам, урачам агульнай практыкі, а таксама спецыялістам, якія аказваюць хуткую меддапамогу, павялічацца на 60%. Участковым медсёстрам, фельдшарам ды іншым спецыялістам — на 50%, санітаркам хуткай меддапамогі — на 40%.

Акрамя таго, урачам-спецыялістам (за выключэннем згаданых вышэй) тарыфныя стаўкі павялічацца на 50%, медпрацаўнікам, якія маюць сярэднюю медычную адукацыю — на 40%, малодшым медсёстрам па дагляду за хворымі, санітаркам ды іншым (за выключэннем ужо згаданых) — на 30%.

Пастанова распаўсюджваецца на бюджэтныя арганізацыі і арганізацыі, якія атрымліваюць субсідыі.