У Мінску спалілі помнік драўлянага дойлідства пачатку ХХ стагоддзя

«Ноччу 14 жніўня ў Мінску згарэў дом, які з’яўляецца гісторыка-культурнай каштоўнасцю як помнік гарадскога драўлянага будынка пачатку ХХ ст. Пажарныя прыехалі па выкліку ў лічаныя хвіліны, аднак дом быў ужо цалкам ахоплены агнём», – паведаміў БелТА прэс-сакратар Мінскага гарадскога ўпраўлення МНС Віталь Дэмбоўскі.

Драўляны аднапавярховы будынак па адрасе завулак Паўночны, 26 загарэўся каля гадзіны ночы.

«Паколькі плошча пажару была досыць вялікая, меркаванай прычынай узгарання мы лічым падпал», – адзначыў прэс-сакратар.

Дом знаходзіўся на балансе Міністэрства культуры.