Беларусы едуць ваяваць за Украіну

Чарговая група беларусаў з дабравольніцкага атрада "Пагоня" рушыла на ўсход Украіны. Спачатку яны пройдуць навучанне, а далей накіруюцца на фронт. Пра гэта на сваёй старонцы ў Фэйсбуку паведаміў намеснік кіраўніка Валынскай абласной рады Ігар Гузь.

Гузь гаворыць, што ваяваць супраць Расіі хоча вялікая колькасць беларусаў. Аднак перад стваральнікамі атраду “Пагоня” паўстае праблема з забеспячэннем добраахвотнікаў абмундзіраваннем. Таму на гэты момант у атрад бяруцца толькі добраахвотнікі, якіх асабіста ведаюць камандзіры атраду.

У бліжэйшы час плануецца сфармаваць апякунскі савет "Пагоні" з вядомых беларусаў, які будзе ажыццяўляць патранат над беларускімі добраахвотнікамі.