У Мінску з'явіцца парк маладзёжных субкультур

Гэтыя новыя маладзёжныя рухі становяцца ўсё больш папулярнымі, адзначае тэлеканал "Беларусь 1".

Першыя варкаўтары з'явіліся ў Беларусі 5 гадоў таму. Дваровыя кампаніі аб'ядналіся ў вялікія групы, якія зараз штогод праводзяць у сталіцы сустрэчы вулічных спартсменаў.

Праз тыдзень цэнтрам варкаўта стане Гомель. Наймацнейшыя спартсмены краіны пазмагаюцца за пуцёўку на чэмпіянат свету, які ў ліпені пройдзе ў Маскве.

Варкаўт яшчэ называюць фітнесам гарадскіх вуліц. Для яго не трэба спецыяльных залаў і трэнажораў. Турнікі і брусы ёсць у кожным двары. Некалькі трэніровак і вы ўжо можаце зрабіць некалькі простых элементаў.

Варкаўт - стартавая пляцоўка і для многіх відаў спорту. Умацаваўшы свае мышцы тут, хлопцы і дзяўчаты пераходзяць у бокс, гімнастыку і лёгкую атлетыку. І наадварот, ужо вопытныя спартсмены не выпускаюць магчымасці павісець на дваровых турніках.