Адвакатка: "Стан Максіма Вінярскага вельмі кепскі"

"27 красавіка да яго выклікалі хуткую дапамогу. Яму было дрэнна, і ванітавала, і сэрца балела. Але медыкі не палічылі, што сітуацыя надзвычайная, каб накіраваць яго ў шпіталь, і ён застаўся на Акрэсціна пад наглядам лекара. Максім нават не мог размаўляць, гаварыў з цяжкасцю. Казаў, што ў нядзелю ў яго наогул адняло мову. Але на сённяшні дзень стан яго дрэнны. У пятніцу стан быў здавальняючы, а ў панядзелак ён вельмі кепскі".

Грамадскі актывіст Максім Вінярскі быў затрыманы 22 красавіка каля гіпермаркету "Карона", нагадвае "Радыё Свабода". Спачатку яму сказалі, што "ён падобны да чалавека, які знаходзіцца ў вышуку". У пастарунку яго абвінавацілі ў непадпарадкаванні супрацоўнікам міліцыі і склалі пратакол. У той жа дзень суддзя Фрунзенскага суда Людміла Лапо асудзіла Вінярскага на 12 сутак арышту. На Акрэсціна Вінярскі абвясціў на знак пратэсту сухую галадоўку.