На ЧС па хакеі прыедуць 70 тысяч турыстаў

Чакаецца, што праз пункты пропуску на мяжы з ЕС і на авіятранспарце ў Беларусь падчас ЧС-2014 прыедзе каля 33 тысяччалавек.

Такі прагноз утрымліваецца ў сумеснай справаздачы экспертаў з некалькіх краін (у тым ліку Беларусі, Латвіі, Літвы, Малдовы, Польшчы, Расіі, Украіны і Эстоніі) па аналізе рызык на дзяржмяжы ў перыяд правядзення чэмпіянату свету ў Мінску, - піша "Наша Ніва".

Усяго ж агульная колькасць афіцыйных удзельнікаў, замежных гасцей і заўзятараў чэмпіянату прагназуецца ў 70 тысяч чалавек.

З іх каля 55 % — грамадзяне Расіі, якія будуць праязджаць праз беларуска-расійскі ўчастак мяжы на чыгуначным і аўтамабільным транспарце. Частка з іх прыбудзе чартарнымі авіярэйсамі з расійскіх аэрапортаў.