Прадстаўнікі дэмакратычных сіл Беларусі прымуць удзел у мерапрыемствах Еўранэста

Мерапрыемствы Парламенцкай асамблеі Усходняга партнёрства (Еўранест) адбываюцца гэтымі днямі ў Брусэлі.

1 красавіка адбудзецца пасяджэнне працоўнай групы па Беларусі. У ім прымуць удзел старшыня Партыі БНФ Аляксей Янукевіч, прадстаўнікі руху “За Свабоду”, Аб’яднанай грамадзянскай партыі, кампаніі “Гавары праўду”, БХД, партыі левых “Справядлівы сьвет”,- паведамле прэс-служба партыі БНФ.

На гэтай сесіі Еўранэст адбудуцца адмысловыя слуханні па беларускім пытанні з удзелам экспэртаў і еўрапарляментарыяў, на якіх будзе абмеркаванае бягучае палітычнае і эканамічнае становішча ў нашай краіне, у тым ліку яе знешне эканамічнае ўзаемадзеянне з іншымі дзяржавамі.

Асобная ўвага будзе нададзена вынікам Віленскага саміту Ўсходняга партнёрства і ўплыву ўкраінскага крызысу на адносіны паміж Беларуссю і яе суседзямі. Пасля слуханняў мае адбыцца паседжанне рабочай групы Еўранэст па Беларусі, на якім будзе абмеркавана шырокае кола пытанняў беларуска-еўрапейскага ўзаемадзеяння ў межах Усходняга партнэрства, а таксама пытанні развіцця палітычных працэсаў у Беларусі.

Старшыня Партыі БНФ Аляксей Янукевіч мае намер выкласці на паседжанні Рабочай групы сваю ацэнку вынікаў мясцовых выбараў і набліжэння кампаніі па выбарах прэзідэнта, данесці пазыцыю Партыі БНФ па падзеях ва Ўкраіне, а таксама выказаць катэгарычную падтрымку тэрытарыяльнай цэласнасці ды еўрапейскага выбару ўкраінскага народу.

Парлямэнцкая асамблея Еўранэст ёсць парлямэнцкім вымярэннем праграмы Ўсходняга партнёрства. Гэты орган складаецца з сябраў Еўрапарлямэнту і парламентарыяў Украіны, Малдовы, Армэніі, Азэрбайджана і Грузіі. Пасля выбараў у Беларусі ў 2010 годзе, якія былі абвешчаныя неадпаведнымі крытэрам АБСЕ, сяброўства Беларусі ў Еўранэсьце было аўтаматычна прыпыненае.