Максім Вінярскі атрымаў 15 сутак арышту

Апроч таго, сведка адзначыў, што актывіст аказваў супраціў пры затрыманні. Вінярскі цалкам адмаўляў абвінавачванне. Падчас дачы паказанняў у судзе ён адзначыў, што чуў ад міліцыянтаў у аўтобусе, як тыя казалі пра апазіцыянераў, што іх трэба нішчыць і паліць у крэматорыях, каб не дапусціць сітуацыі, як ва Украіне.

Вінярскаму ў выніку прысудзілі 15 сутак арышту (арт.17.1, 23.4 КаАП РБ) за ўдзел у шэсці на Дзень Волі, паведамляе "Вясна". Сведкам на судзе таксама быў міліцыянт Рэут. Асноўны "фашысцкі лозунг", які паставілі ў віну актывісту "Бандэра - герой! Украіна, мы з табой!"