Дзень Волі пад знакам Украіны (фота)

Акции / Фото

Настрой прысутных можна ахарактарызаваць як пазітыўны (бо свята ўсё ж такі) з трывожным чаканнем – куды зойдзе Расія са сваімі імперскімі амбіцыямі.

Было некалькі правакацый з боку п'яных ці нібыта п'яных, быў і крэатыў ад улады – хлопец з іракезам, адпаведным адзеннем і рацыяй, спроба затрымання групы маладзёнаў з пакуль невядомымі міліцыі сцягамі (калюмны на чорным фоне). Ужо пасля мітынгу былі затрыманыя шэсць актывістаў ініцыятывы "Еўрапейская Беларусь" – іх адвезлі ў Савецкае РУУС.

Прамовамі палітыкі не стамлялі. Старшыня Партыі БНФ Аляксей Янукевіч, прадстаўнік Руху "За Свабоду" Алесь Лагвінец і сустаршыня БХД Павел Севярынец вялі ўсё пра тое – пра расійскую пагрозу беларускай незалежнасці, пра салідарнасць з Украінай і неабходнасць яднацца па украінскім узоры.

Мітынг скончыўся супольнай малітвай, а пасля гэтага моладзь зладзіла яшчэ міні-канцэрт з наборам беларускіх рокавых хітоў.