Герояў "Дажынак" будуць узнагароджваць у Палацы Незалежнасці

Кіраўнік дзяржавы ў панядзелак адзначыў, што Рэспубліканскі фестываль-кірмаш працаўнікоў вёскі з'яўляецца карысным для краіны святам, паколькі за час яго правядзення былі прыведзеныя ў парадак "як буйныя, так і невялікія гарады". Аднак у той форме, у якой праводзіліся "Дажынкі", "ёсць і пэўныя недахопы", лічыць Аляксандр Лукашэнка. Найперш яго бянтэжыць, што ў пачатку восені, калі праводзіцца свята, вядомыя валавыя аб'ёмы збожжа, ўраджайнасць, але невядомыя эфектыўнасць продажаў, атрыманы прыбытак, грошы на рахунках прадпрыемстваў, - перадае euroradio.by.

Таму Лукашэнка лічыць, што на яго ўзроўні ўшаноўваць лепшых аграрыяў трэба ў пачатку года. І рабіць гэта ў Палацы Незалежнасці.

У справе фармату "Дажынак" было вырашана іх праводзіць у раёнах на базе аднаго з аграгарадкоў. На думку кіраўніка дзяржавы, такім чынам, за 10-12 гадоў яны будуць прыведзеныя ў поўны парадак. На абласным узроўні фестывалі будуць праводзіцца ў раённых цэнтрах, за выключэннем гарадоў абласнога падпарадкавання і тых, дзе ўжо былі "Дажынкі"