Найлепшыя ксяндзы-футбалісты – у Польшчы

Серабро заваявала Харватыя.

Уладальнікамі бронзавага медаля сталі партугальцы, паведамляе Catholic.by.

Каманда беларускіх святароў, у склад якой уваходзіла духавенства Гродзенскай дыяцэзіі і па адным прадстаўніку з Мінска-Магілёўскай архідыяцэзіі і Віцебскай дыяцэзіі, заняла 4-е месца.

5-е месца – Боснія і Герцагавіна

6-е - Славакія

7-е - Украіна

8-е - Румынія

9-е – Венгрыя

10-е - Славенія

11-е - Чарнагорыя

12-е - Аўстрыя

13-е – Казахстан

Дарэчы, чэмпіянат у Лідзе быў блаславёны Папам Францішкам. "Святы Айцец Францішак даведаўся, што зараз у Лідзе адбываецца VIII Чэмпіянат Еўропы па міні-футболе сярод святароў. Папа ўспрымае з вялікай радасцю гэтую падзею сярод прэзбітэраў розных краін, якія аб’яднаны перш за ўсё ласкай веры і служэннем Касцёлу, а ў гэтыя дні і спартыўнымі мэтамі", - зазначыў Апостальскі Нунцый у Беларусі арцыбіскуп Клаўдыё Гуджэроцці, звяртаючыся да Мітрапаліта Тадэвуша Кандрусевіча.

Нагадаем таксама, што вельмі добрым футбалістам у маладосці быў Папа Ян Павел II, паляк па паходжанні.