Нарвегія лідзіруе на Алімпіядзе, Расія і Беларусь пакуль без медалёў

У горных лыжах у хуткасным спуску перамог аўстрыец Маціяс Маер з вынікам 2.06,23. Хрыстаф Інерхофер (Італія) заваяваў срэбра, у Х'еціля Янсруда (Нарвегія) — бронза.

У спаборніцтвах па слоўпстайле (сноўборд) перамагла амерыканка Джэймі Андэрсан — 95,25. Эні Рукаярві з Фінляндыі заваявала срэбра (92,50), Джэні Джонс (Вялікабрытанія) — бронзу (87,25).

У скіятлоне (лыжных гонках) алімпійскім чэмпіёнам стаў швейцарац Дарыа Калонья, другім стаў швед Маркус Хельнер, трэцім — нарвежац Марцін Ёнсруд Сундбю.

Нарвегія лідзіруе ў агульным медальным заліку, спартсмены гэтай краіны заваявалі 6 медалёў (2, 1, 3). У ЗША — тры медалі: (2, 0, 1).

Нарвегія — 2, 1, 3 — 6
ЗША — 2, 0, 1 — 3
Канада — 1, 1, 1 — 3
Галандыя — 1, 1, 1 — 3
Аўстрыя — 1, 1, 0 — 2
Швейцарыя — 1, 0, 0 — 1
Швецыя — 0, 2, 0 — 2
Італія — 0, 1, 0 — 1
Фінляндыя — 0, 1, 0 — 1
Брытанія — 0, 0, 1 — 1
Чэхія — 0, 0, 1 — 1

У Беларусі і Расіі пакуль няма медалёў, але сёння вечарам пройдзе біятлонны спрынт у жанчын і завершацца камандныя спаборніцтвы па фігурным катанні.

Таксама сёння пройдзе забег на 3 000 м у жанчын-канькабежак і спаборніцтвы па скачках на лыжах з сярэдняга трампліна, паведамляе "Наша ніва".