У Міёрах затрымалі здымачную групу "Белсата"

Здымачная група праграмы "Маю права" здымала сюжэт у Мёрах. Незалежныя журналісты, якія супрацоўнічаюць з "Белсатам" (Наста Рэзнікава, Аляксандр Пацееў і Сяргей Кручкоў) здымалі сюжэт пра жыхароў мястэчка, якія засталіся без ацяплення.

Пакуль журналісты затрыманыя для высвятлення асобаў.

Ужо тыдзень жыхары Мёраў жывуць без ацяплення. Іх інфармавалі, што гэта з прычыны аварыі, аднак, як удалося высветліць журналістам, справа ў вайсковых зборах. Цяпло перанакіравалі, каб абагрэць казармы.

Праграма "Маю права" дапамагае нашым гледачам дамагчыся сваіх правоў. Дзякуючы дарадцам гэтай прававой праграмы – прафесійным юрыстам і адвакатам гледачы даведваюцца пра свае правы. Як развязаць канкрэтнае прававое пытанне? Дзе шукаць праўды, калі цябе падманула дзяржава?