Гомельскі педафіл падвозіць хлопчыкаў на сваёй машыне

 Здарэнне, па слядах якога распачата крымінальная справа, адбылося на стары Новы год. Пра новага педафіла стала вядома ад бацькі аднаго з пацярпелых, піша "Наша Ніва" са спасылкай на ej.by.

Паводле заявы, пададзенай у Гомельскі РАУС, прыблізна ў 19.30 - 20.00 невядомы на 6 км аўтадарогі Гомель - Каранёўка, ужываючы сілу ў адносінах да двух 10-гадовых хлопчыкаў, здзейсніў над імі гвалтоўныя дзеянні сэксуальнага характару.

Па гэтым факце ў дачыненні да педафіла заведзена крымінальная справа па ч.3 арт. 167 Крымінальнага кодэкса Беларусі.

Апісанне злачынца і яго аўтамабіля ўжо разаслана ва ўсе аддзяленні міліцыі Беларусі. Аднак пакуль невядома, мясцовы гэта быў жыхар або заезжы гастралёр.