Фаната БАТЭ, які падтрымаў украінцаў, арыштавалі на 5 сутак

Людзей пачала «тузаць» міліцыя і КДБ.

Аднаму з хлопцаў ўжо далі 5 сутак арышту за тое, што яго, нібыта, апазналі на здымку. І гэта з улікам таго, што ўсе абліччы на фатаграфіі зафарбаваныя і па ёй немагчыма ўсталяваць асобу чалавека. Пасля таго як барысаўца ў сераду ўвечары запрасілі на гутарку ў міліцыю, дадому ён ужо не патрапіў. А ў чацвер адбыўся закрыты суд, на якім заўзятару БАТЭ і абвясцілі прысуд за "парушэнне устаноўленага парадку правядзення сходаў, мітынгаў, вулічных шэсцяў, дэманстрацыяў, пікетаванняў", - піша barysau.by.

Партал перадае, што людзей тэрарызуюць званкамі сваякам і сябрам, пры гэтым не дасылаючы нікому позваў.