Суд па жахлівым забойстве Ганны Сардэчкінай пачнецца 3 лютага

Працэс пройдзе ў судзе Заводскага раёна Мінска. Ён будзе адкрытым, інфармуе БЕЛТА.

Нагадаем, што мінчанка, кіраўніца клуба лучнікаў-аматараў Ганна Сардэчкіна знікла 12 жніўня мінулага года. Праз два дні ў міліцыю з заявай пра яе знікненне звярнуўся яе былы муж, які пазней стаў падазраваным у забойстве. Падчас расследавання ён прызнаўся ў злачынстве і паказаў, дзе схаваў парэшткі забітай.

Высветлілася, што жанчына спачатку была задушаная, пасля яе цела пасеклі на кавалкі. Астанкі знайшлі ў пакетах на дне Цнянскага водасховішча.

Былому мужу Ганны Сардэчкінай было выстаўленае абвінавачанне. Мужчыну прызналі адэкватным па выніках комплекснай псіхолага-псіхіятрычнай экспертызы.