Наступствы выбуху ў доме ў Віцебску ліквідаваныя

Выбітае ў вокнах шкло ўжо ўстаўленае. Гэтыя работы былі выкананыя максімальна хутка, паколькі на Віцебшчыне цяпер моцныя маразы, паведамляе Еўрарадыё.

Нагадаем, каля 14-й гадзіны 29 студзеня ў падвале пяціпавярховага дома па вуліцы Лакаматыўная выбухнуў газавы прапанавы балон. Адбылося гэта падчас правядзення планавых рамонтных работ. У выніку, пацярпелі два чалавекі — зваршчык і жанчына, якая праходзіла каля дома. У мужчыны апёкі твару і рук. Сярод жыхароў дома пацярпелых няма.

Дадатковую праверку па факце здарэння праводзіць Следчы камітэт.