Мітрапаліт Павел хоча стаць грамадзянінам Беларусі

Па словах мітрапаліта, гэтую тэму ён абмяркоўваў з кіраўніком Рускай Праваслаўнай Царквы Кірылам перад прыездам у Беларусь і атрымаў дабраславенне. Як вядома, мітрапаліт Павел — грамадзянін Расіі, ён служыў у Разані.

"У Беларусі хачу працаваць і служыць менавіта так, як калі б з'яўляўся грамадзянінам Беларусі. Таму і хачу прыняць беларускае грамадзянства", — перадае словы кіраўніка Беларускай Праваслаўнай Царквы euroradio.by.

Мітрапаліт Павел заверыў, што гэта не з'яўляецца "палітычным трукам, палітычным крокам". "Гэта маё жаданне — адчуваць тут дома не толькі духоўна, але і юрыдычна", — заявіў ён.

Нагадаем, раней ён казаў, што прыняў бы беларускае грамадзянства, калі б яму захавалі і расейскае.