Андрэй Пачобут прэзентаваў у Гродне кнігу "Сістэма Беларусь"

Першая на абшарах Беларусі прэзентацыя кнігі Андрэя Пачобута “Сістэма Беларусь” адбылася ў Гродне. Агулам, кніга напісана для польскага чытача і паводле замовы польскага выдавецтва. Але і для беларускага грамадства гэтая кніга мае карысць, бо ўздымае праблемы, якія ўласцівы краінам, якія выйшлі з савецкай імперыі.

Кажа аўтар кнігі, Андрэй Пачобут:

- Хацелася больш глабальна апісаць падзеі ў Беларусі. Таму калі паступіла прапанова ад выдавецтва напісаць кнігу пра Беларусь, я пагадзіўся. Ініцыятыва сыходзіла ад выдавецтва. Я вельмі дбаў пра тое, каб ўсё было на падставе фактаў. Гэта бачна, калі пагартаць кнігу. У кнізе няма ніякіх вымыслаў.

Прэзtнтацыя кніжкі прайшла ў памяшканні генtральнага консульства Польшчы ў Гродне, паведамляе "Радыё Рацыя".