Пачалася праверка Узброеных сілаў Беларусі

Галоўнай мэтай праверкі з'яўляецца вызначэнне здольнасцяў органаў вайсковага кіравання, камандзіраў кіраваць падначаленымі вайсковымі часткамі і падраздзяленнямі. Сур'ёзную ўвагу будуць надаваць праверцы гатоўнасці ўзбраення і тэхнікі да баявога выкарыстання, - перадае Міністэрства абароны.

Асаблівасцю пастаўленай задачы з'яўляецца тое, што ўпершыню на баявое дзяжурства па Супрацьпаветранай абароне будзе пастаўленая зенітная ракетная батарэя "Тор-М2". Раней гэты комплекс быў апрабаваны падчас правядзення баявой стральбы на палігоне "Ашулак" у Расіі.

У Мінабароны паведамілі, што напярэдадні хакейнага чэмпіянату свету асаблівую ўвагу звернуць на арганізацыю аховы аб'ектаў, транспартных камунікацый і ўчасткаў дзяржаўнай мяжы.

У бліжэйшыя дні абстаноўка будзе нарошчвацца, а колькасць органаў ваеннага кіравання і войскаў, якія прыцягваюцца да праверкі, - павялічвацца.

Вынікі праверкі будуць старанна прааналізаваны і выкарыстаны ў далейшай падрыхтоўцы Узброеных Сіл.