Папа Рымскі ўпершыню даслаў папскі дакумент на беларускай мове

Апостальскі Нунцый у Беларусі арцыбіскуп Клаўдыё Гуджэроцці уручыў папскі дакумент беларускай верніцы падчас візіту ў Вілейку 22 снежня.

У лісце Папа Рымскі выказвае падзяку за служэнне Касцёлу. "Спадарыні Ядвізе Пастэрнак з удзячнасцю за ўсё тое, што Вы зрабілі і робіце для Касцёла. Прашу Вас маліцца за мяне. Няхай Пан Бог Вас благаславіць, а Багародзіца Вас аберагае. Францішак", - цытуе змест ліста афіцыйны сайт Рыма-каталіцкай царквы ў Беларусі.

Ядвіга Пастэрнак жыве ў вёсцы Муляры Вілейскага раёна. У 60-я гады, пасля таго, як у вёсцы была разбурана капліца, Ядвіга захавала крыж. І перадала яго ў Куранцы ў 2011 годзе, калі там з’явілася новая капліца. Жанчына рыхтавала дзцей да прыняцця святой Камуніі. Усё жыццё жанчына была вернай касцёлу.