«Белавія» паляціць па краіне

Міністр транспарту і камунікацый Анатоль Сівак паведаміў, што «Белавія» павінна распрацаваць бізнес-план, вызначыцца з тыпам самалётаў на 17-20 месцаў коштам 5-10 мільёнаў долараў. Міністр паведаміў, што першы рэйс рэгіянальных ліній адбудзецца ў канцы першага — пачатку другога квартала 2014 года. Куды будзе гэты першы рэйс, пакуль не вызначана. «Пытанне адкрытае», — сказаў Сівак. Ён таксама выказаў надзею, што сёлета для рэгіянальных ліній будуць закуплены два самалёты, перадае nn.by.

Фінансавая падтрымка развіцця рэгіянальных авіяліній прадугледжана дзяржаўным пазабюджэтным фондам грамадзянскай авіяцыі. Яго расходы ў 2013 годзе запланаваныя ў 120 млрд рублёў.

Нагадаем, што Беларусь адмяніла ўнутраныя авіяперавозкі ў 2011 годзе. Кампанія "Гомельавія", якая выконвала большую частку ўнутраных рэйсаў, у лютым 2011 года заявіла аб спыненіі працы па рэгіянальным перавозкам.