Новая праграма для студэнтаў Усходняга партнёрства пачала дзейнічаць у Польшчы

Адкрыццё праграмы прайшло 13 снежня ў Варшаўскім універсітэце. Па праграме на навучальны 2013/2014 год ў польскія ўніверсітэты прынята 44 стыпендыянта, у асноўным з Украіны.

Новая праграма адкрываецца з-за павелічэння студэнтаў з краінаў Усходняга партнёрства, якія хочуць вучыцца ў Польшчы. У яе межах прадугледжана двухгадовае навучанне. У будучым плануецца павелічэнне набору студэнтаў праграмы, паведамляе euroradio.by.

Трэба адзначыць, што колькасць беларусаў, якія навучаюцца ў Польшчы, у мінулым годзе складала каля 3 тысяч. Частка студэнтаў уваходзіць у Праграму Каліноўскага, накіраваную на падтрымку моладзі, пацярпелай ад палітычных рэпрэсій. Але большасць атрымлівае адукацыю за свае грошы.