Мітрапаліт Фларэт: Царква - супраць смяротнага пакарання

“Беларуская праваслаўная царква прыкладае намаганні, каб смяротныя прысуды ў нашай краіне не выконваліся, што цалкам адпавядае палажэнням, выкладзеным у “Асновах сацыяльнай канцэпцыі Рускай праваслаўнай царквы. Хрысціянскае маральнае выхаванне выхавала ў свядомасці людзей адмоўнае стаўленне да смяротнага пакарання. Адмена смяротнага пакарання дае больш магчымасцяў для пастырскай працы з тым, хто аступіўся, і для яго ўласнага пакаяння”, - адзначыў у адказе за подпісам Мітрапаліта Філарэта, якое перадае праваабарончы цэнтр "Вясна".

Ліст Тамары Сялюн і адказ Мітрапаліта Філарэта накіраваны ў камісію па памілаванні пры Адміністрацыі прэзідэнта. Начальнік галоўнага ўпраўлення Адміністрацыі Дзяніс Колас паведаміў, што дакументы далучаныя да матэрыялаў справы і будуць улічаныя пры разглядзе хадатайніцтва аб памілаванні.

У чэрвені Гродзенскі абласны суд прызнаў Паўла Селюна вінаватым у забойстве дзвюх асоб, учыненым з асаблівай жорсткасцю, крадзежу, здзеках над трупамі і крадзежу асабістых дакументаў. Па сукупнасці злачынстваў Селюна прысудзілі да смяротнай кары. Вярхоўны суд пакінуў у сіле прысуд. Асуджаны звярнуўся ў Камітэт па правах чалавека ААН, а таксама направіў просьбу аб памілаванні прэзідэнту краіны.