Беларускі аўтобус на Еўрамайдан спынілі пад Мар'інай Горкай

Добрыя людзі далі ім аўтобус. У Кіеў накіроўваліся 53 чалавекі.

Як паведаміла Дар'я Каткоўская "Нашай Ніве", у спыненні аўтобуса ў чыстым полі прымалі ўдзел супрацоўнікі КДБ, транспартнай міліцыі і ДАІ.

З дакументамі ва ўсіх (і на аўтобус) усё нармальна, таму прапанавалі ўсім прайсці ў РУУС.

Усе адмовіліся, і праз поле абвешаныя флікерамі пайшлі на бліжэйшую АЗС, дадала Каткоўская.

Тым часам "затрымоўнікі" і той самы аўтобус з'ехалі.

Дадамо, таксама, што надвор'е ў Беларусі вечарам досыць снежнае і неспрыяльнае.

Дарэчы пры выпадак пад Мар'інай Горкай ужо паведамілі з галоўнай сцэны Майдана ў Кіеве, прысутныя людзі ўспрынялі інфармацыю пра затрыманне з абурэннем. "Ганьба", — крычалі яны.