Сяргей Рутэнка - адзін з лепшых гандбалістаў свету

Личности

Названыя лепшыя гандбалісты 2013 года. Вынікі галасавання з удзелам 11 еўрапейскіх журналістаў, якія пішуць пра гандбол, і заўзятараў, меркаванне якіх прыраўноўвалася яшчэ да аднаго голасу, падвёў партал handball-planet.com, піша nn.by.

Лепшым левым нападаючым быў прызнаны Сяргей Рутэнка, а лепшым гандбалістам свету стаў харвацкі разыгрываючы «Гамбурга» Дамагой Дувняк. Ён атрымаў 35 ачкоў.

На другім месцы размясціўся венгерскі паўсярэдні Ласла Надзь з «Веспрэма» ( 26 балаў), трэці — іспанскі лінейны Хулен Агінагальдэ, які выступае за «Віве» (23 ачкі). 

Сяргей Рутэнка апярэдзіў у галасаванні на лепшага левага паўсярэдняга чэха Філіпа Йіху (13 балаў) і датчаніна Мікель Хансэна (9). Па колькасці галасоў фанатаў Рутэнка знаходзіцца на трэцім месцы сярод канкурэнтаў па пазіцыі. За беларуса аддалі 3583 галасы, за Йіху - 6314, за Хансена - 7920, аднак большасць журналістаў выказалася ў падтрымку беларуса.

Сяргей Рутэнка - выхаванец мінскай гандбольнай школы. Пачынаў кар'еру ў камандзе «Аркатрон», гуляў за славенскія клубы «Гарэнне» і «Піваварня Лашко», а таксама за адзін з самых моцных клубаў Еўропы - іспанскі «Сьюдад-Рэаль».