Метро спынілася (абноўлена)

Як паведаміў карэспандэнт "НН", які знаходзіўся на станцыі метро "Плошча Перамогі" прыблізна ў 15.30, у бок ст. "Кастрычніцкай" стаіць пусты цягнік з адчыненымі дзвярыма. У бок ст. "Плошча Якуба Коласа" цягнікоў няма, на гадзіннніку ўжо больш за 10 хвілін паўзы.

На станцыі па гучнай сувязі паведамляюць, што рух цягнікоў спынены па тэхнічных прычынах.

Стала вядома, што прычынай спынення цягнікоў на Маскоўскай лініі стала спроба суіцыду на ст. "Парк Чалюскінцаў". Пра гэта карэспандэнту "НН" паведаміў дырэктар мінскай падземкі Расціслаў Юрэня.

Малады чалавек, прыкладна 20-30 гадоў, скокнуў на рэйкі ў 15.18 — цягнік рухаўся ў бок Уручча.

Хлопца зацягнула пад другі вагон. Але ён застаўся жывым. Цяпер з ім працуюць медыкі. Рух цягнікоў адноўлены ў 15.35.