"Ляпісы" абяцаюць, што канцэрт у Вільні ўсё ж адбудзецца

У звязку з праблемамі з голасам, ці адбудзецца плянаваны на 30 лістапада ў Вільні канцэрт гурту "Ляпіс Трубяцкой"? Прадстаўнік гурту Аляксандр Бергер сказаў карэспандэнту Свабоды:

"Перапынак бярэцца на тыдзень. І ўжо 11 лістапада будзе наступны канцэрт, калі нічога не здарыцца. Проста рэкамэндавалі цягам тыдня ўстрымацца ад актыўнасці на голас. А далей, спадзяемся, усё будзе нармальна і канцэрты ў Вільні адбудуцца".

30 лістапада беларускі гурт "Ляпіс Трубяцкі" плануе прэзентаваць свой першы цалкам беларускамоўны альбом "Грай" на самай вялікай пляцоўцы Літвы — Siemens Arena ў Вільні, якая зьмяшчае 12,5 тысяч гледачоў.

Усе квіткі на канцэрт у Вільні раскуплены, як і білеты на цягнікі і аўтобусы на гэты дзень.

У Менску прамоцыяй канцэрту займаецца агенцыя "Шаблі". Раней Менскі гарвыканкам забараніў вонкавую рэкламу канцэрту "Грай", распрацаваную агенцыяй-арганізатарам. На стадыі зацвярджэння рэкламнага макету ў камітэце па ідэалогіі гарвыканкаму размяшчаць плакат на бігбордах, нават без пазначэння назвы гурту "Ляпіс Трубяцкі", забаранілі без тлумачэння прычынаў.