Мінкульт просяць прызнаць нацыянальны сцяг каштоўнасцю

Ініцыятары кампаніі — «БМАgroup», «Арт Сядзіба» і «Рок-салідарнасць» — сабралі факты, якія пацвярджаюць гісторыка-культурную каштоўнасць нацыянальнага сцяга.

У выніку сабрана 50 гістарычных, мастацкіх, навуковых і культуралагічных фактаў, падмацаваных адпаведнымі спасылкамі на даследчыцкія, кніжныя, дакументальныя і архіўныя крыніцы, паведамляе Радыё Свабода.

Зварот і абгрунтаванне, у адпаведнасці з палажэннем «Аб парадку вядзення Дзяржаўнага спісу гісторыка-культурных каштоўнасцей Рэспублікі Беларусь», дасланыя 1 лістапада ў Міністэрства культуры на разгляд Навукова-метадычнай радзе.

Рада, згодна з палажэннем, павінна будзе разгледзець яго ў 30-дзённы тэрмін пасля атрымання. Выніковае рашэнне на аснове яе працы будзе прымаць Савет Міністраў Рэспублікі Беларусь.