Пераход на зімовыя шыны стане абавязковым

Па новым законе аўтаўладальнікі будуць абавязаныя ездзіць зімой на зімовых шынах. І ніякай усесезоннай гумы, піша autogrodno.by.

Учора ў жывым эфіры "Радыё Гродна" начальнік ДАІ УУС аблвыканкама Сяргей Талатай згадаў пра новаўвядзенне і пацвердзіў, што закон ужо прайшоў асноўныя ўзгадненні, будзе падпісаны ў студзені-лютым 2014 года і адназначна будзе існаваць.

Пераход з аднаго тыпу гумы на іншы будзе прывязаны не да тэмпературнага рэжыму, а да канкрэтных датаў.

На сёння выкарыстанне зімовых шын зімой носіць рэкамендацыйны характар. Язда на летніх шынах зімой павялічвае імавернасць здарэнняў.
Закон будзе тычыцца толькі легкавых аўтамабіляў, пераабуваць грузавыя аўтамабілі на зімовую гуму ў Беларусі не прынята, нагадвае "Наша ніва".