Памёр 38-гадовы вядучы БТ

Пра гэта "Нашай Ніве" паведамілі ў прэс-службе Белтэрадыёкампаніі. "Так, гэта праўда. Не валодаем інфармацыяй, што здарылася і калі. Ён быў 1975 года нараджэння", - сказала супрацоўніца прэс-службы.

Юрый Леднік быў намеснікам дырэктара Агенцтва тэлевізійных навінаў. На тэлебачанне ён прыйшоў у 2003 годзе. А вядомасць Юрый Леднік набыў прапагандысцкай перадачай "P.S.". Нярэдка прадстаўнікі апазіцыі і незалежнага грамадства абвінавачвалі Ледніка ў хлусні.

"Я стараюся, каб у маім жыцці была не толькі праца. Мне важна ўдзяляць час сваёй сям'і, каб мае блізкія бачылі мяне дома. Трэба захоўваць разумны баланс. Маё кіраўніцтва разумее, што, акрамя працы, ёсць яшчэ і сям'я, якая патрабуе майго непасрэднага ўдзелу", - казаў ён сёлета ў інтэрв’ю газеце "Звязда".